கொஞ்சம் இரு! இதெ எழுதிட்டு வறேன்!
அட! இங்க வாங்க! வாங்கண்ணுக்கிட்டேயிருக்கேன்! நீங்கபாட்டுக்கும் கொஞ்சம் இரு! கொஞ்சம் இருண்ணுக்கிட்டேயிருக்கீங்களே!
இதெ எழுதி முடிச்சிட்டு வறேங்றேன். அதுக்குள்ள இப்பவே வா! இப்பவே வாண்ணுக்கிட்டேயிருக்கியே! அப்படி என்னதான் தலை போற விஷயம்ங்றேன்?
ஏங்க! இங்க கொஞ்சம் வாங்கங்றேனே! உங்களுக்குக் கேக்குதா இல்லியா?
கேக்குது! கேக்குது! நீங்க வாங்க! வாங்கங்றது நல்லாவே கேக்குது! ஏதாவது செய்யணும்னா! ஒடனே செஞ்சாதான் ஆச்சும்பியே நீ! அப்படி என்னதான் தலை போற வஷயம்ங்றேன்!
நீங்க! வறேன்! வறேம்பீங்க! ஆனா வரவேமாட்டீங்க! கொஞ்ச நேரம் இங்க வந்துட்டுதான் போங்களேங்றேன்! இதோ வறேன் இதோ வறேண்ணுகிட்டே இருக்கீங்களே தவிர! உட்கார்ந்த இடத்தெ விட்டு எழுந்து வறமாட்டேண்ணுக்கிட்டே இருக்கீங்களே!
என்ன செய்யணுங்கறதெ சொல்லித்தான் தொலையேன்! சும்மா! வாங்க! வாங்கண்ணுகிட்டேயிருப்பியே தவிர என்ன செய்யணுங்கறதெ சொல்லவே மாட்டியே! இப்ப என்னதான் செய்யணுங்றே நீ?
ஆமாம்! ஆமாம்! என்ன செய்யணுங்றதெ சொல்லிட்டா அப்படியே ஒண்ணு விடாம! டக்கு டக்குண்ணு செஞ்சிடுவீங்க பாருங்க! என்ன செய்யணுங்றதெ சொல்லணுமாம் சொல்லி!
- Grammar Notes:
Translate the following to English:
- நீங்கள் வருகிறேன் என்று சொல்லிக்கொண்டேயிருக்கிறீர்கள்!
- நீங்கள் வருகிறேன் என்பீர்கள் ஆனால் வரவேமாட்டீர்கள்.
- நான் தமிழ் படிக்கிறேன் என்கிறதால் என்னால் நன்றாக தமிழ் பேசமுடிகிறது.
- என்னுடைய மாமாவும் மாமியும் எங்கள் வீட்டுக்கு வருகிறார்கள் என்கிறதற்காக நாங்கள் எங்கேயும் போகாமல் வீட்டிலேயே இருக்கிறோம்.
- நான் வருகிறேன் என்கிறேன். நீ வராதே என்கிறாய்!